TUHAN YESUS OM KOWOYO-WOYOON DAU
7. Om pungaranan nogindod yesus, dot iri no moti o mamasid tulun Dau mantad id dusa.
~matius 1:21
Pogoyo'on tokou no o ngaran
do Tuhan tokou Yesus
Tu Gampamasi do tulun
dit otumbayaan Diyau.
Oi tulun dit otumbaya'an, di nokoidu id dusa, Soroho no Gampamasi om royohon tokou Iyau!
Agayo no koisanan Diyau tu gisom di minatai Suminolid ti tulun: royohon tokou Iyau.
Nga pinasi kawagu iyau
do kuasad Kinorohingan
om nokoinsawat kawagu
do monuli id surga
tohuri nopondo tadau kumaa tokou id surga tu osimbayan rumayou, rumayoud Tuhan Yesus.
8. om royohon no o ngaran dau tu kikagayaan do gisom dot aiso o kopupusan
~ masmur 72:19
Pongondos nod ngaran Yesus Tontok kikosusa'an, Om oinsasamadan kou id Mogondos do ngaran Dau.
gulion:
Royohon no ngaran
do Tuhan Yesus Koristus
Tu pangandasan ngawi
Di monongkuya'an Dau.
Pogondos nod ngaran Yesus Tontok kipogumbalan, Dot Iyau o kolid toko, Om papamanang dati. Pogondos nod ngaran Yesus Tu potood ngawi dati, Posinding kou nod rumayou Tuhan Yesus Koristus.
Pogondos nod ngaran Yesus Tu raja ngawid raja, om motud ngawi ot tulun Do somonu toguwang Dau.
9. osianan tokou no itokou, dot iyau no ot id gulu koinsanai daton
~ 1 yaya 4:19
Osianan oku no Dika, Tuhan ku Om iri no o kapagadaan kud dusa; Dot ika-i kanogi o minamasi dohon Do mantad hiri id hukuman do naraka.
Osianan oku no Dika, Tuhan ku,
Dot Ika-i o gulu kosianai dohon;
Om noboli oku no Dika do ko'ompunan,
Dot i raha Nu o noboli hirid salib.
Osianan oku no Dika, Tuhan ku, Tu noinggorit do minamabod dusa ku; Om sinigaron Kod rugi di posolibo ko, Om piningikum-ikuman Ko po di tulun.
Om mokiruruhang oku nod Ka, Tuhan, Do hino id surga id wanan Tama Nu, Om momoros oku nogindo kawagu Dika, Dot "Osianan oku no Dika," kang kundo.
10. ika no o karistus, i tanak do kinorohingan do poimpasi.
~ matius 16:16
Isai Tuhan Yesus? I Gompomogompi. Nunu kooris tokou Tumanud tokou nod Tongoyon diyau; Onggo-onggo nopo Isai Tuhan Yesus? I Gomponuduk. Oila'an tuni Dau Mulong topian. Boros Dau monuduk Kouhangan surga, Osonong kasari Tumanud tokou. Isai Tuhan Yesus? I Gampamasi. Nokotuntung raha Gumanti dumba, Om kongosuwang no Hilod is surga I nakaanud raha Do Tuhan Yesus Isai Tuhan Yesus? Migompi daton, I nokotugag do Posonog daton. Poinggapus tokou no Do longon diyau, Om ingga po kooris Do nunu nopo.
11. tuhan no o tudan do waig do poimpasi
~yeremia 17:13
Tuhan no tudan do barakat, Wonsoyo ginawo ku Rumayoud kopuhawang Nu Dot awiso kotingkadan. Koisanan Nu miagal bawang To awiso karasakan: Iri no o royohon ku Dot owiso kopupuson. Tadau-tadau koilo okud Kopuhawang do Tuhan, Om nakapatayan Diyau Suminowoli dogo. Agayo tutang ku id Tuhan, Ingga pamalapus ku; Gowoi po sumili oku Do kuli Tuhan ku. Nga obimpalid oku-i Do ralan dot otopot, Om asaru kud tonudon O dogo do kouhangan Nga patahakon ku nod baino Ginawo ku id Tuhan, Om mokiangat okud di Do muli hilod surga.
12. tuhan o tintirungon …. di haro o katangaban
~ masmur 9:9
Ika no Tuhan Yesus I nosianan dohon, Om pologoso okud Poinsondiu id kangkab Nu. Haro po pogumbalan Om haro katangaban, Nga au ku powolihon Ginawo ku id Tuhan Ingga tintirungon ku Suwai ko Tuhan Yesus, Dot au oku-i kumukuro Mumbal mimpori-pori; Au oku kotongkiyad Mantad id Dika, Tuhan: Ika no pogondos ku Tu Gomponguhup dohon. Oinsanan koposiyon ku Dot id dika, oi Tuhan Tu Gampamasi ngawi Dit otumbyaan dika. Ika otopot kopiyo Au minomonsoid dusa: Yoku no ot ara'at Au kowonsoid tosonong. Kopuhawang nu, Tuhan, Mabai-labai kasari. Raha nu o millihung Do ginawod kidusa. Om koposiyon tuhan Kosuwang id ginawo; Sumuni ginawo ku Kohubaya'an Tuhan.
13. oilaan ku no kopiyo dot….. ingga o koilod tongkiyad daton mantad id kosianan do kinorohingan it id suwang do koristus yesus i tuhan tokou.
~ rum 8:38,39.
Kosianan no do Tuhan ku
O tutang kud tagayo kopiyo,
Tu nipoinsomok dongod Tuhan,
Mulong po dot ara'at oku.
Intongodon oku pod Tuhan,
It otukana'an ngawid dusa,
Da tinanus no o dusa ku,
Om pinotopot okud Yesus.
Iri no o nokotimpuunon
Do koraja Diyau id ginawo ku:
Nga pongoyon nogindod Tuhan
Gisom do miagal oku Dau.
Om ingga pod di o kikuasa
Do nunu nopo hilo id sawat,
Ko hiti po id pomogunan
Potongkiad dogo id Tuhan.
Do nokotulis no ngaran ku
Id suwang do palad do Tuhan ku,
Om immilo po do tonuson
Do nipuhawang o nitulis.
Om pogiroton okud Tuhan,
Om au oku-indo kopinsimban,
Suwai ko sumimbayan oku
Hitid tana om hilod surga.
14. osonong kopiyo iyau id dokoyu i mogondos dau.
~ 1 piturus 2:7.
Otood oku nod Tuhan o Raja ku, Om modsinding oku do rumayoud Dau, Dot iyau id gulu kolisiu doho Om yoho nga Olisiu Dau. gulion: Royohon ku no o Tuhan, I sumiliud Raja ku Om i poingiyon hitid ginawo ku. Om royohon ku no Iyau. Mulong pod Raja iyau ngawid raja, Nga laid no iyau do mogkoritik dot Totobon do ginawo kud mokiiwang, Om i wangai ku nod di Iyau. Koiwangai ku pod di, om kosuwang nogi I korintus tu Gampamasi doho, Om natanus nod id baino no dusa ku, Om olisiu okud di Dau. Royohon ku i Gampamasi doho, Tu haro ot tiyonon kud id surga, Iri no nipuhawang Dau doho, Om oto'od oku nod di.
om iyau no o suminiliud sogit dot dusa takou o kinoponogitan; om okon-i daton no, suwai ko dusa nogi dot oinsana o suwang diti pomogunan
~ 2 yaya 2:2.
Nakoulud nod tuhan yesus
O tulun do kidusa
Id kinorohingan tama
Tu awiso o dusa.
gulion:
Osonong no o Tuhan
I Gampamasi dohon:
Do pinopoulud dohon
Id Kinorohingan.
Do raha nod Tuhan Yesus
O mangaan do pongulud,
Tu sumiliu do sogit
Tontok di posolibo.
Om isai nopo o tulun
Do rumikot id Tuhan
Do mokilihung do ginawo,
Om iri no o koulud.
Om royohon no o Tuhan
Tu ayuhud raha Dau
Do pinonoulud do tulun
Id kinorohingan tama.
16. ikoyu no o kagambalut ku ondung minwasi kou nid it niupono ku.
~ yaya 15:14
Yesus no kambalut tokou
Mongidu ngawid dusa,
Pokibarakat tokoud Tuhan
Do tadau om totuwong:
Ondung au tokou poinsondiu
Id Tuhan tu kamanang.
Ogumu o pongumbalan
Pakanggau ngawi daton:
Sorohon no pagandasan,
Iri no Tuhan Yesus.
Dot ingga po moti koirad
Do Diyaud koisanan,
I momusoroud toinsanan
Do kakanggahan tokou.
Ondung haro pod tolombung
Om minabod tawagat,
Om poboroson id Tuhan
Id suwang do sambayang;
Tuhan Yesus Gampamasi
Om Gomponginsasamod,
Do longon dau o migampus,
Iri no kointirungon.
17. “yoku no at osonong do gompomogompid dumba” ka di yesus.
~ yaya 10:11
Tuhan i Gompomogompi dohon, Manahak dohon barakat, Om magangat kasari dohon Id ralan dot osonong. Posonong iyau do ginawo ku, Om papamanau dohon Do hiri id ralan dot otopot Sobab nga i ngaran Dau. Mulong po dot aawi o numbur ku Dot hitd pomogunan, Nga inooris po o ginawo ku: Miwaya-waya Tuhan. Mulong pod tid pialatan oku Do pisangod om kooris Nga osonong no o ginawa ku, Tuhan monginsasamod. Osianan kasari dohon Tuhan Do hitid pomogunan, Om angatan oku nogi Diyau Do muli hilod surga.
18. pababaai duyu no ngawi diyau o katangkabaan duyu,dot iyau no o momusou dikoyu.
~1 piturus 5:7.
Boboon do Tuhan o binabo ni, Om insasamadan ko nogindo. Boboon do Tuhan o binabo ni, Om insasamadan. Mulong pod takapal o dusa nu Nga orohulus ngawi-id Tuhan. Mulong pod takapal o dusa nu, Nga orohulus-i. Gompiyon ko-i kasarid Tuhan Id suwang do kosimbayanan Dau. Gompiyon ko-i kasarid Tuhan Id kosimbayanan. isai nopo magandad do Tuhan, iri no o pokorison Diyau. do tuhisai nopo magandad do Tuhan, pokorison iyau.
BUKU SINDING DO MAMARAYOU TUHAN,
DITERBITKAN OLEH SIB SABAH
BLOG INI HANYA DIGUNAKAN UNTUK PEMELIHARAAN BUKU INI.
risa daily rice 